കണ്ണും കരളും കാണുന്നൂ നിന്‍
കമനീയത തന്‍ കാല്‍ വഴികള്‍
വിണ്ണില്‍ മണ്ണില്‍ വിടരുന്നൂ നിന്‍
വിസ്മയമായൊരു കതിരൊളികള്‍
വിശ്വം മുഴുവന്‍ വീശുന്നൂ നിന്‍
വശ്യത നിങ്ങിയ ചാരുതകള്‍
സുഖദം സുഭഗം സുലളിതമാക്കിയ
സുസുമിതമായൊരു ചേരുവകള്‍
പ്രപഞ്ച ഗാനം പ്രഫുല്ലമാക്കീയ
പ്രമദ മനോഞ്ജ വിതാനങ്ങള്‍
പരമാനന്ദം പകലൊളി പൂശിയ
പരമോന്നതമാം പൂവിളികള്‍
കവര്‍ന്നു നിന്നില്‍ കൗതുകമോടെ
കവിളില്‍ നുള്ളാന്‍ കൈവിളികള്‍
പകര്‍ന്നു നില്‍ക്കും നിന്‍ ചേവടികള്‍
നുകര്‍ന്നു നില്‍ക്കാന്‍ കളമൊഴികള്‍
നമിയ്ക്കയെന്നും കൈകള്‍ കൂപ്പി
നമുക്കു ചുറ്റും നല്ലതിനായ്...
No comments:
Post a Comment