ഓര്‍മ്മയിലൊരുവട്ടം കൂടിഞാന്‍ നിന്നുടെ
ചാരത്തു വന്നു നിന്നൂ....വീണ്ടും
ചാരത്തു വന്നു നിന്നൂ
നിര്‍മ്മല രാഗിലെ ഭാവങ്ങളായൊരു
നീഹാര മണ്ഡപം തീര്‍ത്തു................../ഓര്‍മ്മ...
കാലില്‍ച്ചിലമ്പൊലി ചാര്‍ത്തിവന്നെന്തിനു
കാതര മോഹങ്ങള്‍ തീര്‍ത്തൂ..നവനവ
കാതര മോഹങ്ങള്‍ തീര്‍ത്തൂ
കാവ്യമനോഹര വേദിയിലന്നെന്റെ
മോഹസങ്കല്പ്പങ്ങള്‍ പൂത്തൂ...പ്രേമത്തിന്‍
മോഹസങ്കല്പ്പങ്ങള്‍ പൂത്തൂ........................./ഓര്‍മ്മ....
എന്നും മനസ്സിന്റെ വീണതന്‍ തന്ത്രയില്‍
പൊന്‍ വിരല്‍ ഈണമായ് മാറി..മന്ദമായ്
പൊന്‍ വിരല്‍ ഈണമായ് മാറീ
എന്നേ മറന്നു ഞാന്‍ എല്ലാമലിഞ്ഞേതോ
നീലവിഹായസ്സിലൂടേ....മാസ്മര
നീലവിഹായസ്സിലൂടേ......................../ഓര്‍മ്മ....
No comments:
Post a Comment