ഒന്നിങ്ങു വന്നെങ്കിലെന്നു കൊതിച്ചു ഞാന്‍
ഒന്നായിരിക്കുവാനായി മാത്രം
എന്നും മനസ്സിന്റെ ഉള്ളില്‍ തിളങ്ങുന്ന
പൊന്‍ ദീപമാകുവാനായി മാത്രം....../ഒന്നിങ്ങു...
ഓര്‍ത്തിരുന്നെത്ര നാള്‍ മാനസം പങ്കിടാന്‍
ഓടിയെത്തുന്നതും നോക്കി നില്‍ക്കേ
ഓമനപ്പൂമുഖം കൈക്കുമ്പിളില്‍ മെല്ലെ
ഓമനിച്ചീടുവാന്‍ മോഹ ഭാവം.........../ഒന്നിങ്ങു..
തൂമന്ദഹാസത്തില്‍ വിരിയുന്ന മുഖപടം
പൂമണം പേറി വരുന്ന പോലെ
പൂര്‍ണ്ണേന്ദു മുഖിയെന്റെ ചാരത്തു വന്നു പൊന്‍..
പൂന്തിങ്കളൊളി മിന്നുമെന്ന പോലെ......../ഒന്നിങ്ങു...
No comments:
Post a Comment